Alamat ng angono rizal,,,,how angono rizal came to be??

Question

Alamat ng angono rizal,,,,how angono rizal came to be??

Answer 1

taung 1602, isang pari ang sumulat

Sa kasaysayang magiging alamat,

Nang malawak at magandang asyenda;

Na nasasakop ng Pasig bilang isang visita.

Ang bayang Binangonan ang dito’y sumasakop,

Na noo’y sa lalawigang La Laguna nakapaloob;

Sa simula’y ang patrong San Clemente

Ang ipinidestal nang naunang prayle.

Taung 1745, isang kastila ang nakabili

Ng asyendang Angono na ang kasawiling

Mga manggagawa'y galing sa kanugnog

Nang malapit na bayang dito’y nakalibot.

Taung 1753, isang kastilang tsaplin

Ang itinalaga at binigyang habilin,

Upang ang Angono ay magsariling bayan;

Ayon sa superyor ng gobyernong iginagalang.

Taung 1766, labing tatlong taung gumulong

Ang sa Nunong kariton sa bayang umusbong,

Ang dating visita na nilikha at natatag nang matatag

Ay naging isang nagsariling bayang sumikat.

1853, walumpu’t-pitong tau’y lumipas,

Ang bayang Angono’y inihiwalay at binaklas

Sa lalawigang La Laguna; isinama sa bagong Distrito

De Los Montes de San Mateo, taung 1857 nang magulo

At dito natatag ang Distrito Politico de Militar de Morong,

1,394 ang bilang ng taong nanigil, 1896 ang taon;

At noong taung 1898, ika-anim ng Agosto

Umanib ang Angono sa Rebulusyunaryong Gobyerno

Nang magiting na si Heneral Emilio Aguinaldo.

Muling gumulong ang naningalang pugad na Angono,

Bayang ginawang alamat ng dakilang pintor na si Botong

At musikong San Pedro;dumagsa ang nanigilang pulutong.

Agosto 19, 1938, ito’y nagsarili sa bisa ng Ehekutibong

Atas bilang 158, wumagayway ang bandera ng Angono,

Pinagulong nina Lucio at Botong ang kariton ng bayan;

Lumipas ang 65 taon, pumisik ang apoy ng kasaysayan.

Sa mga bunsong bagting ng kabataang

Ang talas ng mga isipa’y iginasang

Sa matitigas na batong moog sa Koleke,

At ang kanlunga’y ang mayabong na Balete.

Ngayon, Neo-Angono ang bagong iniluwal,

Bilang paghuhunos sa umuunlad na bayan;

Dito sa lalawigang lagi nating ipagbabantog

Sa pamamagitan ng bagong taktikang isinasaloob.

Ngayo’y ito ang mitsa ng unang paglagablab,

Upang sumirit paimbulog at masaksihan nang lahat;

Ang PIPAF na Pandaigdigang Performance Art Festival

Ng Neo-Angonong ang lumikha ay pawang kabataan.

Nobyembre 21, 2004

Sa harap ng puntod nina Botong Francisco at Lucio San Pedro

Parehong Pambansang Alagad ng Sining

Sa bayan ng Angono, Rizal

Revised September 19, 2005