Anu ano ang mga halimbawa ng morpema?

Answer 1

may tatlong anyo ang morpema ang morpemang salitang-ugat,ang morpemang panlapi,at ang morpemang binubuo ng isang ponema.

1.Morpemang salitang-ugat-ito ay binubuo ng salitang walang kasamang panlapi.Ito ay salitang payak.tinatawag din itong malayang ,morpema.

2.Morpemang panlapi-ito ay may taglay na kahulugan sa sarili.Ngunit tinatawag ang ganitong morpema na di-malayang morpema.Hindi sila makakatayo sa kanilang sarili.kinakailangan pa itong samahan ng isang malayang morpema upang magkaroon ng ganap na kahulugan.Iba-ibang posisyon ang kinakalagyan ng panlapi sa salita kaya may iba-ibang uri din ng panlapi ayon sa posisyon nila sa loob ng salita.


  Unlapi-kapag inilalagay sa unahan ng salita.
  Hal.
      magbasa,umibig,paalis,makahuli.

  Gitlapi-kapag nakalagay sa loob ng salita.
  Hal.
      sumayaw,lumakad,sinagot,ginawa.

  Hulapi-kapag nakalagay sa hulihan ng salita.
  Hal.
      ibigin,sulatan,sabihan,gabihin.

  Kabilaan-kapag ang isang pares ng panlapi ay nakalagay sa unahan at ang isa nasa hulihan ng salita.
  Hal.
      mag-awitan,paalisin,kaibigan,kadalagahan.

  Laguhan-kapag makikita ang mga panlapi sa unahan,gitna,at hulihan ng salita.
  Hal.
      magdinuguan,pagsumikapan,ipagsumigawan.

3.Morpemang binubuo ng isang ponema-makikita sa mga sumusunod na
  halimbawa.
      doktor-doktora,abogado-abogada.