Country people are the best, mi go ah hills Sunday gone, an ah ave a helleva time, de country people dem ah de sweetess people pon maasah God eart, fi real.
Everybody greet yuh like yuh ah faamble, but ah went fi de food, an it neva let mi dung. country people can cook, fi real, dem ave curry goat, fry an pan chicken, green banana, yellow yam, sweet pitaata( dat bad wen it roast) ripe plantain cook ina de skin, dasheen an rice an peas.
MANISH WATA, dat mek me tan up an saloot, sour sap juice wid molasses an lime, dem deh put bak led ina yuh pencil, mark ina yuh marka an ink ina yuh pen.
Me see how real pudden (pone) fi bake, h**l ah top, h**l ah bottom an halilooyah in de miggle, Captain caan tess dat, one likkle slice weigh 5 lb, fi real
Me nuh know who go tell de ole man Maas Bredda sey me nah fyah pon all cylindah, but im gi me a bottle ah roots, , Oohii dat bad, real hardenah, wifey tell me good maaning dis maaning, fi real.
If gas nuh raise mi gone ah country weekend,
Tags: